Hätzlich wellkumme op minger kleine Heimsigg ! 

  

Dat es jetz die Frog. Wiesu heiß dä Kölscheschwob? Dat well ich ens flöck verposementeere. Ich ben ne kölsche Jung us der Südstadt un ben im Rathenau Veedel groß gewoode. Do hät et mir och god gefalle, ävver ich moht Geld verdeene, und dann han ich e god Aangebodd us Rottweil gekräge. Also ben ich met Kind un Kägel do hin, en et Schwobeland. God, ich wor noch jung un broht dat Geld , hügg dät ich dat och nit mieh. Met der Zigg hät et mir do och ganz god gefalle, dä Schwatzwald, dä Bodensee, die Alp, alles wunderschön. Met der Sproch hat ich ming Probleme ävver met Huhdeutsch kom ich god durch et Levve.

Späder, wie ich jet Geld verdeent hatt, han ming Frau un ich uns e Segelboot gekauf, dat moht mer zoloße, und als mer su em Landratsamp stundte, un ene Name en dat Formular endrage mohte, wie dat Scheff heiße soll, kom et mir en der Kopp, dat ich jo ne Kölsche ben un en Schwaben levve, su woodt dä Name Kölscheschwob gebore, un dat Scheff esu gedäuf. Et Scheff is fott, ävver dä Name es geblivve. Ich han minge Beruf aan der Nähl gehängk, weil ich dat us gesundheitliche Gründ nit mih maache darf, un dann es mir engefalle, dat ich jo eigentlich schon mi ganz Levve lang Musik maache, und dat han ich jetz zu mingem Beruf gemaht. Ich han jo söns nix zo dun...

Un weil ming ganze Verwandtschaff, un ming Fründe all noch en Kölle wonne, un ich selver och noch e klein Zimmer en Hürth han, wo ich arbeide kann, dun ich jetz Texte schrieve, Leedche komponeere und och jet singe. Dat alles, dat ehr jet Freud hat, un vielleicht manchmol och jet zom Nohdenke.   

 

 http://www.musicload.de/dae-koelscheschwob/koelsche-en-aller-welt/musik/maxi/14831148_2?xtmc=Da__koelschschwob&xtcr=10

 

Buy Dä Kölscheschwob - Kölsche en aller Welt (mp3) at AmazonMP3.com/de/fr/uk

 

etcBuy Dä Kölscheschwob - Kölsche en aller Welt (mp3) at iTunes.com